Bakıda maşın məşhur travmatoloqu vurub öldürdü
Bakının Yasamal rayonunda piyada keçidindən yolu keçmək istəyən yaşlı kişi "Niva" markalı minik avtomobili tərəfindən vurulub.
“Report” bildirir ki, meyit şəxsiyyətinin müəyyənləşdirilməsi üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinə aparılıb. Məlum olub ki, maşının vurub öldürdüyü şəxs Elmi Tədqiqat Travmatologiya və Ortopediya İnstitutunun həkim-travmatoloqu, 1938-ci il təvəllüdlü İsmayılov Nadir İsmayıl oğludur.
E.İsmayılov uzun müddət ET Travmatologiya və Ortopediya İnstitutunda həkim kimi fəaliyyət göstərib.
Hadisəni törədən sürücü polis tərəfindən saxlanılıb.
Faktla bağlı araşdırma aparılır.
Mənbə:> Report