Əfqanıstanda faicə: 70-dən çox ölü

Əfqanıstanda qar uçqunu onlarla insanın ölümünə səbəb olub.

ANS PRESS-in məlumatına görə, hadisə ölkənin şimal-şərqində yerləşən Pənçşir vilayətində baş verib.

Pənçşir valisi Əbdul Rəhman Kabirinin bildirdiyinə görə, uçqun nəticəsində 74 nəfər həyatını itirib.

Valinin sözlərinə görə, 60-dan çox ev qar uçqunu altında qalıb. Uçqun altında qalan insanların sayı haqqında isə hələlik heç bir açıqlama verilmir.

Artıq Pənçşir vilayətinə gələn bütün yollar bağlandığına görə xilasedicilər hadisə yerinə gedə bilmirlər. Bölgədə yerli sakinlər qar altında qalan insanları xilas etməyə çalışırlar.

Uçqun nəticəsində ölənlərin sayının artacağı istisna edilmir.