Öz ərizəsi ilə işdən çıxan qadın lotoreyada 3,3 milyon dollar udub

ABŞ-ın Kolorado ştat sakini işdən çıxdıqdan sonra lotoreyada 3,3 milyon dollar udub.

Oxu.Az-ın xəbərinə görə, bu barədə cümə axşamı, fevralın 9-da, Mashable nəşri yazır.

Yanik adlı qadın 30 il ərzində lotoreyada iştirak edib. Keçmiş tibb bacısı yanvarın ortalarında işdən öz ərizəsi ilə çıxıb. Amerikalı qadın bildirib ki, öz işindən yorulub və daha tibb bacısı işləmək istəmir.

Qeyd olunur ki, qadın və əri bu pula borclarını ödəmək və yaşadıqları evi təmir etmək niyyətindədirlər.