Xəzərdə İranın helikopteri qəzaya uğrayıb: Ölənlər var

Xəzər dənizində İrana məxsus vertolyotun qəzaya uğraması nəticəsində 5 nəfər ölüb.

AzNews.info Report-a istinadən xəbər verir ki, bu barədə Behşehr valisi Seyid Xalid Səccadiyə istinadən İranın IRINN dövlət televiziyası məlumat yayıb.

Onun sözlərinə görə, İran Milli Neft Şirkətinə məxsus “təcili tibbi yardım” vertolyotu “Əmir Kəbir” neft platformasından xəstə gətirərkən dənizə düşüb. Vertolyotda olan 5 nəfərin hamısı həyatını itirib. Hazırda qəzanın səbəbləri araşdırılır.