ABŞ-da polis lal-kar sürücünü güllələyib

Amerikanın Şimali Karolina ştatında polis dayanaraq jestlərlə nə isə başa salmağa çalışan lal-kar sürücünü güllələyib.

Oxu.Az xəbər verir ki, bu barədə WCNC telekanalı məlumat yayıb.

Patrul yolda sürət həddini aşan “Volvo” avtomobilini saxlayaraq cərimə etmək istəyib. Sirena səsələrini eşitməyən Deniel Harris maşını saxlamayıb. İki avtomobilin toqquşduğu təqib davam edib. Daha sonra Harris maşından düşüb. Şahidlərin sözlərinə görə, on saniyə sonra atəş səsi eşidilib.

Amerika KİV-in məlumatına görə, 29 yaşlı Harris jestlərlə vəziyyəti başa salmağa çalışıb.