Rusiya çempionatında əlbəyaxa döyüş: çeçen tapança çıxardı – VİDEO

Starı Oskolda Rusiyanın sərbəst güləş üzrə çempionatında təşkilatçılar tapança çıxaran tamaşaçını sakitləşdirməli olublar.

Oxu.Az xəbər verir ki, mayın 15-də Starı Oskol İdman sarayında sərbəst güləş üzrə yarışlarda iştirakçı sparrinqdən sonra rəqibinə hücum edib.

“VKontakte”də peyda olan videoda, yarışda iştirak edənlərdən ən azı birində tapançanın olduğu görünür.

Yarış təşklatçılarının nümayəndələri bir dəqiqə ərzində dalaşanları ayırıblar və videodakı görüntülərə görə, onlar tapança sahibini sakitləşdirməli olublar.

Videoçarxın müəllifləri iddia edirlər ki, dava salan güləşçi və tapançalı adam yarışa Çeçenistan komandası ilə gəliblər.