Qahirədə partlayış: 6 ölü, 13 yaralı

Misirin paytaxtı Qahirədə təhlükəsizlik qüvvələrinin basqın təşkil etdiyi binada partlayış baş verib.

Axar.az xəbər verir ki, hadisə zamanı 6 nəfər ölüb, 13 insan isə yaralanıb.

Məlumata görə, şəhərin Əl-Hərəm bölgəsində silahlı qrupların bomba hazırladığı iddia edilən binaya təhlükəsizlik qüvvələri hücum təşkil edib. Bu zaman partlayış baş verib.

Partlayışın hansı səbəbdən baş verdiyi bəlli deyil.