Türkiyədə bıçaqlı şəxslər liseyə hücum ediblər: Çoxlu yaralı var

Türkiyənin Batman vilayətində bıçaqla silahlanmış naməlum şəxslər liseyə hücum ediblər.

Oxu.Az Türkiyə KİV-ə istinadən xəbər verir ki, silahlılar 15-20 dəqiqə ərzində 10 şagirdə bıçaqlayıblar, sonra isə hadisə yerindən qaçıblar.

Yaralıların hamısı yaxınlıqda yerləşən xəstəxanaya çatdırılıb.

Hal-hazırda polis cinayətkarların saxlanılması istiqamətində əməliyyat-axtarış tədbirləri aparır.