Qubada avtomobil ağaca çırpılıb: 3 nəfər ölüb

Hadisə yerinə FHN xilasediciləri cəlb olunub.

Quba-Xaçmaz yolunun 12-ci kilometrliyində ölümlə nəticələnən yol qəzası baş verib.

Oxu.Az-ın APA-ya istinadən verdiyi məlumata görə, hadisə Quba rayonunun Barlı kəndi ərazində qeydə alınıb.

“Hyundai” markalı “10 VR 410” dövlət nömrə nişanlı avtomobil yoldan çıxaraq ağaca çırpılıb.

İlkin məlumata görə, qəza nəticəsində 3 nəfər hadisə yerində ölüb.

Onların şəxsiyyəti hələlik müəyyənləşməyib.

Hadisə yerinə FHN xilasediciləri cəlb olunub. Xilasedicilər meyitlərin deformasiyaya uğramış avtomobildən çıxarılması əməliyyatını aparır.

Faktla bağlı araşdırmalara başlanılıb.