Azərbaycanlı teleaparıcı zəhərləndi – FOTO
Tanınmış teleaparıcı Zaur Nəbioğlu xəstəxanaya yerləşdiriib. ANS PRESS-in məlumatına görə, ANS TV-də yayımlanan "A-dan Z-yə" proqramının aparıcısı dünən qatıldığı tədbirdə yediyi yeməkdən zəhərlənib.
Tədbirdən sonra özünü pis hiss edən Zaur təcili tibbi yardım çağırmağa məcbur olub. 1 saylı Bakı Tibb Mərkəzinə yerləşdirilən aparıcıya ilkin tibbi yardım göstərilib. Hazırda aparıcının vəziyyəti qənaətbəxşdir.
Zaur Nəbioğlu xəstəxanada çəkdiyi fotoları sosial şəbəkədə paylaşıb.
"ALLAH hər kəsə kömək olsun. Bir neçə dəfə zəhərləndiyimi düşünmüşəm, demək səhv etmişəm. Əsl zəhərlənmək belə olurmuş... Sizdən uzaq..." - yazaraq, ciddi şəkildə zəhərləndiyini qeyd edib.
Onunla eyni tədbirdə olan Moskvada fəaliyyət göstərən Azərbaycan mədəniyyət studiyasının rəhbəri Samira Zeynalova da zəhərlənib. Samirə xanım Zaurun statusunun altına şərh yazaraq, özünün də zəhərləndiyini, lakin bundan tez xəbər tutduğu üçün vəziyyətinin ağırlaşmadığını bildirib.
Mənbə: ANSPRESS
