“Boeing” qasırğa zamanı möcüzə nəticəsində eniş etdi – VİDEO

Amsterdamın Sxiphol aeroportunda az qala faciə ilə sonlanacaq hadisə baş verib.

KLM şirkətinə mənsub “Boeing 777” enərkən, güclü külək ucbatından az qala qəzaya uğrayacaqdı.

Oxu.Az Vesti.ru-ya istinadən xəbər verir ki, sərnişin təyyarəsinin sərt enişinin videoyazısı internetdə yayılıb.

Aşağıdakı kadrlarda “Boeing”in qəribə şəkildə yellənməyi, şassilərin uçuş zolağı ilə təması zamanı təyyarənin az qala yana yığılacağı görünür.

Xoşbəxtlikdən pilotlar idarəni itirməyiblər və heç kim xəsarət almayıb.