Bəşər belə böhran görməmişdi

Hazırda dünyamız ən ağır qaçqın problemi ilə üzləşməkdədir.

ANS PRESS-in məlumatına görə, bu barədə Birləşmiş Millətlər Təşkilatının (BMT) Qaçqınlar Komitəsinin illik hesabatında deyilir.

Hesabatda bildirilir ki, geridə qoyduğumuz ildə dünyanın müxtəlif qaynar nöqtələrində yaşanan müharibə, münaqişə və təqiblər ucbatından 60 milyondan çox günahsız insan öz ev-eşiyindən didərgin düşüb. Bu, bəşər tarixində görülməmiş bir göstərici kimi qiymətləndirlir.

2010-cu ilin göstəricilərinə baxdıqda isə bu sayın hazırkı rəqəmlərlə müqayisədə 4 dəfə az olduğu məlum olub.

Qeyd edək ki, son beş il ərzində 15 münaqişə qeydə alınıb; onlardan 8-i Afrikada, digərləri isə Suriya, İraq və Yəməndə, eləcə də Ukraynada baş verib.