Sumqayıtda söküntü bumu başa çatdı – VİDEO

Sumqayıtda keyfiyyətsiz örtüklə üzlənən binalarda söküntü işləri sona çatıb.

ANS TV-nin məlumatına görə, Bakının ardınca Sumqayıt şəhərində də binaların fasadına vurulan keyfiyyətsiz üzlüklərin sökülməsi həyata keçirilib.

Şəhərin mərkəzi yolları sayılan Sülh və Bakı küçələrindəki 10-dan artıq binadan sökülən penoplast materialların qalıqlari ərazidən götürülüb.

Həmin binaların ətrafında olan kanstruksiyalar isə öz yerində qalmaqda idi. Fasadı sökülən yaşayış binalarında heç bir işin aparılmadığının şahidi olduq.

Məsələ ilə bağlı Sumqayıt Şəhər İcra Hakimiyyətindən aldığımız cavab isə şifahi oldu. İcra hakimiyyətindən verilən məlumata istınadən, bu məsələ ayın 2-ci ongünlüyündə öz həllini tapacaq.

Bundan əlavə həmin binaların fasadına hansı materiallın vurulacağı ilə bağlı heç bir qərarın olmadığını da söylədilər.

Şəhərin görünüşünə və sakinlərin narahatlığına səbəb olan bu halın müsbət həllini görmək üçün bir neçə gün səbr etmək qalır.