Xətaidəki yanan binada hər ailəyə 15 min manat ayrıldı

Virtualaz.org ATV-yə istinadən bildirir ki, bunu Bakı Şəhər İcra Hakimiyyətinin başçısı Hacıbala Abutalıbov deyib.

Bu məqsədlə 1 milyon manat ayrıldığını açıqlayan H. Abutalıbov deyib ki, həmin binanın sakinləri bununla bağlı bu gündən başlayaraq Xətai Rayon İcra Hakimiyyətinə müraciət edə bilərlər.

H. Abutalıbov qeyd edib ki, bu binada vəfat edənlər və xəsarət alanlar olmayıb, buna görə də hər bir ailəyə bərabər miqdarda – yəni 15 min manat vəsait veriləcək.

Xatırladaq ki, bu il aprelin 10-da Bakının Xətai rayonunda Zığ şossesi, 16 ünvanında doqquzmərtəbəli yaşayış binasında güclü yanğın olub. Bina hazırda dövlət hesabına təmir olunur.