Barselonaya getmək istəyənlər, gözünüz aydın!

"Azərbaycan Hava Yolları" QSC Bakıdan Barselonaya (İspaniya) birbaşa uçuşlar təşkil edəcək.

ANS PRESS-in məlumatına görə, bu marşrutla aviareyslərə bu gündən etibarən başlanılır.

Uçuşlar həftədə bir dəfə, şənbə günləri həyata keçiriləcək. Bu barədə AZAL-dan bildirilib.

Bakıdan 07:00-da hərəkət edəcək təyyarə yerli vaxtla 12:45-də Barselonada eniş edəcək, eyni gün yerli vaxtla 14:00-da Barselonadan havaya qalxacaq və 19:10-da Bakıya çatacaq.

Qeyd edək ki, aviabiletlərin qiyməti 520 manatdan başlayır və uçuşlar "Airbus-320" təyyarəsi ilə həyata keçiriləcək.