Köçəryanın oğlu və gəlinini ABŞ-a buraxmırlar

Ermənistanın keçmiş prezidenti Robert Koçaryanın ailəsinin Amerika arzusu ürəyində qaldı.

ANS PRESS-in erməni mətbuatına istinadla verdiyi məlumata görə, Koçaryanın oğlu Levon və gəlini Siruşo ABŞ-a getmək üçün viza ala bilməyib.

"Jamanak" qəzetinin yazdığına görə, ABŞ-ın Ermənistandakı səfirliyi Koçaryan cütlüyünə viza verməyib.

"Məsələ ondadır ki, onlar uşaqlarının doğulması üçün ABŞ-da olarkən ölkədə qalma, viza qaydalarını pozublar".

Xəbəri dəqiqləşdirmək üçün Siruşo ilə əlaqə saxlanılsa da, o əsəbləşib və nümayəndəsinə müraciət etməyi tələb edib. Xəbəri isə nə təsdiq, nə də təkzib edib.

Xatırladaq ki, Siruşo Ermənistanı 2008-ci il "Eurovision" yarışmasında təmsil etmişdi.