Dubayda epik tullanış – VİDEO

Amerikanın Dream Walker komandasının iştirakçıları digər peşəkar idmançılar ilə birlikdə dünyada ən hündür yaşayış binası olan, Dubayda yerləşən Princess Tower göydələnindən paraşütlərdən kütləvi şəkildə tullanıblar.

Oxu.Az xəbər verir ki, komandanın Facebook səhifəsində deyildiyi kimi, göydələndən 558 nəfər adam tullanıb, buna 80 saat vaxt sərf edilib.

YouTube-da aprelin 28-də yerləşdirilən videoçarx bu gün üçün təxminən milyona yaxın baxış toplayıb.

Dubayda Princess Tower göydələni 414 metrlik yaşayış binasıdır, burada 101 mərtəbə var. İdmançılar tərəfindən çəkilən kadrlarda idmançıların uçuruma atlamaqları adamı dəhşətə gətirir.