Küləkli hava şəraiti ilə bağlı açıqlama – FOTO

Ekologiya və Təbii Sərvətlər Nazirliyi Bakıda müşahidə olunan hava şəraiti ilə bağlı açıqlama verib.

Nazirliyin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova Oxu.Az-a bildirib ki, Bakıda hava şəraiti dünən axşam saatlarından etibarən pisləşib, hal-hazırda aşağı buludlu hava şəraiti müşahidə edilir.

Bakı və Abşeron yarımadasında şərq küləyi güclü şimal-qərb küləyi ilə əvəz olunub. Bakıda küləyin sürəti 15-20 m/s, bəzi yerlərdə 25-30 m/s təşkil edir.

Departamentin proqnozlarına görə, axşam saatlarından etibarən Bakı və Abşeron yarımadasında hava şəraiti mülayimləşəcək.