80 ildən sonra Ayasofiyada ilk – VİDEO+FOTO

İslam peyğəmbəri Həzrəti Muhamədin (S) dünyaya gəlməsinin 1444-cü ildönümü münasibəti ilə Türkiyənin İstanbul şəhərindəki Ayasofiya məscidində peyğəmbər sevgisi mövzulu sərgi keçirilir.

ANS PRESS-in məlumatına görə, dünyanın müxtəlif ölkələrindən sənətkarların iştirak etdiyi sərgidə İslam peyğəmbərini tərənnüm edən xəttatlıq nümunələri nümayiş olunur.

Sərginin açılışında rəsmi din qurumu “Diyanət”in sədri Mehmet Görmez, İstanbul valisi Vasip Şahin, Mədəniyyət və Turizm nazirliyinin müşaviri Əhməd Haluk Dursun, İstanbul müftisi Rəhmi Yaran iştirak ediblər.

Açılış zamanı tədbirdə Qurani Kərim də oxunub ki, bu, Ayasofiyanın məscid kimi fəaliyyətinin dayandırılıb muzeyə çevrilməsindən sonra ilkdir.

Qeyd edək ki, 1453-cü ildə Osmanlı padşahı II Mehmet (Fatih) tərəfindən İstanbulun fəth edilməsi ilə Ayasofiya kilsəsi məscidə çevrilib və 482 il bu istiqamətdə fəaliyyət göstərib. 24.11.1934-cü ildə isə Atatürkə istinad edilən sərəncamla muzeyə çevrilib və 1 fevral 1935-ci ildən ibadətə bağlanıb.