Məşhur aparıcı anasını evdən qovdu – FOTO

Rusiyanın məşhur teleaparıcısı Dana Borisova öz anasını məhkəmə yolu ilə Moskvadakı evindən qovaraq Krımda yaşamağa göndərib.

ANS PRESS-in məlumatına görə, buna səbəb Dananın yeni sevgilisi olub. Belə ki, fevral ayında aparıcı Luqanskdan bir adamla tanış olub. Tezliklə anası onun ailəli və uşaqlarının olduğunu öyrənir və qızının həmin adamla münasibətlərinə etiraz edir. Buna görə Dana anasını evindən qovur. Onlar yenidən barışsalar da bir gün sonra Dana Borisova və dostu Andrey qadından əşyalarını toplayaraq evdən getməyi istəyirlər. Onlar qadına Krımda ikiotaqlı bir mənzil alırlar.

Qadın gedəndən sonra Dana Borisova öz instaqram səhifəsində bunları yazıb: "Taksi getdi, mən isə oturub ağlayıram. İnana bilmirik ki, bu cəhənnəm əzabı bitdi... Burada başqa cür mümkün deyildi... Övladlar valideynlərindən ayrı yaşamalıdırlar. Razısınızmı?" Amma tezliklə aparıcı bu yazını silmişdi.

Qadının məhkəmə yolu ilə Moskvadakı evdən qeydiyyatdan çıxarıldığı gün isə aparıcı sevgilisinin onu öpdüyü yerdə şəklini paylaşıb.