Sumqayıtda yük maşını “Jiquli” ilə toqquşdu: ölən və yaralananlar var

Sumqayıt şəhərində “KamAZ” markalı yük maşını “VAZ” markalı minik avtomobili ilə toqquşub.

Virtualaz.org Fövqəladə Hallar Nazirliyinə istinadən bildirir ki, hadisə yerinə cəlb olunmuş Sumqayıt Regional Mərkəzinin müvafiq xilasetmə qüvvələri minik avtomobilində sıxılmış vəziyyətdə qalmış sərnişin, 1985-ci il təvəllüdlü Nəsibov Zaur Musa oğlunun meyitini deformasiyaya uğramış nəqliyyat vasitəsindən çıxararaq aidiyyəti üzrə təhvil veriblər.

Hadisə şahidlərinin sözlərinə görə, qəza nəticəsində daha üç nəfər xəsarət alıb. Onlar xəstəxanaya yerləşdirilib.

Faktla bağlı araşdırma aparılır.