Bakıda əsən güclü külək fəsadlara səbəb olub – FOTO

Bakıda bu səhər başlayan güclü külək müxtəlif istiqamətlərdə ağacları qırıb, binaların dam örtüklərinə ziyan vurub.

Virtualaz.org xəbər verir ki, Səməd Vurğun bağının qarşısında ağac qırılaraq yaxınlıqda dayananların üzərinə aşıb, xoşbəxtlikdən ciddi xəsarət alan olmayıb. Nəsimi rayonu, Rixard Zorge küçəsində ağacların budaqları qırılaraq yolun üzərinə düşüb, maşınların hərəkətinə maneçilik törədib. Binəqədi rayonu, 6-cı mikrorayon, Mirmahmud Kazımovski küçəsində də ağaclar qırılıb, iri budaqlardan biri ağacın altında ayanmış maşının üzərinə düşüb.

Abşeron rayonu, Mehdiabad qəsəbəsində isə külək nəticəsində bina və fərdi evlərin dam örtükləri uçub.

Güclü külək nəticəsində Mehdiabad qəsəbəsindəki köçkün şəhərçiyində damın uçması ilə bağlı sosial şəbəkələrdə video görüntü yayılıb.