2050-ci ilədək dünya əhalisi 2,2 milyard nəfər artacaq » AzNews.info -Xəbər portalı

Bölmə: Sosial

2050-ci ilədək dünya əhalisi 2,2 milyard nəfər artacaq

2050-ci ilədək dünya əhalisi 2,2 milyard nəfər artacaq

BMT-nin Əhali Fondunun (UNFPA) proqnozuna görə, dünya əhalisi 2050-ci ilədək 2,2 milyard nəfər artacaq və əsrin ortalarında mavi planetdə 10 milyarda yaxın insan yaşayacaq. Bu barədə məlumatı fondun direktoru Monika Ferrero Cenevrədə təqdim olunan hesabatda açıqlayıb.

Təşkilatın hesabatında, həmçinin qeyd edilir ki, göstərilən dövrdə dünya əhalisinin artımının yarısı – 1,3 milyard nəfər Subsahara regionunun payına düşəcək. Hazırda dünya əhalisinin 17 faizinin yaşadığı Afrikada əsrin ortalarında dünya əhalisinin 26 faizi məskunlaşmış olacaq. Saharadan cənubda yerləşən Afrika ölkələrində əhalinin tibbi sığorta və maariflənmə səviyyəsi, qadın hüquqlarının vəziyyəti və digər məsələlər demoqrafik artım fonunda yaxın onilliklərdə daha ciddi vəziyyət ala bilər. Eyni zamanda, silahlı münaqişələr, təbii fəlakətlər, siyasi qeyri-sabitlik və əhalinin sürətli artımı bu regionda böhranların sayını artıra və əhalinin ərzaqla təminatını çətinləşdirə bilər.

M.Ferrero əlavə edib ki, müasir tendensiya ilə aztərkibli ailələr gələcəkdə daha üstünlük təşkil edəcəklər. Hər gün dünya əhalisi orta hesabla 250 min nəfər artır və hər qadına ortalama 2,5 uşaq doğumu düşür. İnkişaf etmiş ölkələrdə yeni doğulan körpələrin sayı aşağı olsa da, Afrikada bu rəqəm hər qadına 7,5 uşağa qədər (Nigeriya) düşür. Dünyanın 43 ölkəsində hər bir qadın azı dörd uşaq dünyaya gətirirsə, həmin ölkələrin 38-i Afrikanın payına düşür.

Təşkilatın proqnozunda həmçinin qeyd edilib ki, tendensiya bu cür davam edəcəyi halda 2100-cü ilədək dünya əhalisinin sayı 11 milyarda çatacaq.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *