İranda qum fırtınası

İranın cənub-şərqindəki Sistan və Bəlucistan əyalətində qum fırtınası nəticəsində 140-dan çox şəxs xəsarət alıb.

Virtualaz.org yerli KİV-ə istinadən bildirir ki, 145 sakin tənəffüs, ürək və görmə problemləri ilə təcili yardıma müraciət edib. Onlardan 27-si xəstəxanaya yerləşdirilib.

Qum fırtınası zamanı küləyin sürəti saatda 104 kilometrə çatıb.

Bölgə rəhbərliyi xəstə və yaşlı sakinləri evdən çıxmamağa çağırıb.