Terrorçu qadın İstanbulun hava limanında saxlanıldı – FOTO

İstanbulun Atatürk adında Beynəlxalq hava limanında PKK terror təşkilatının üzvü olan Gülzar Taşdəmir saxlanılıb.

Oxu.Az xəbər verir ki, o, Norveç hökumətinə sığınacaq almaq haqqında müraciət etsə də, deportasiya edilib.

Asayiş keşikçiləri qadından PKK-nın fəaliyyətinə dair sənədləri, terror təşkilatının başçısı Abdulla Öcalanla olan fotoşəkili və bir sıra digər əşyaları müsadirə ediblər.

Taşdəmir 1991-ci ildən PKK-ya qoşulub. 2013-cü ildə isə Türkiyənin Doğubəyazit şəhərinin prokurorluğu onun həbsinə order verib.