Azərbaycan ksenotransplantasiyanı qadağan edir

Azərbaycanda ksenotransplantasiya qadağan edilir.

“Report”un xəbərinə görə, bununla bağlı “İnsan orqan və (və ya) toxumalarının transplantasiyası haqqında” qanuna yeni maddə əlavə olunacaq.

Əlavə edilən 4-1 maddədə (Ksenotransplantasiyanın qadağan olunması) ksenotransplantasiyanın qadağan olunduğu əks olunub.

Ksenotransplantasiya insan orqanlarının heyvana, yaxud heyvan orqanlarının insana köçürülməsidir.

Dəyişiklik layihəsi Milli Məclisin Səhiyyə komitəsinin iyunun 5-də keçiriləcək iclasında müzakirə ediləcək.