Baş nazirə "Çanaqqala menyusu" – FOTO

Ötən gün Türkiyədə Çanaqqala zəfərinin 100-cü ildönümü münasibəti ilə baş nazirliyin yeməkxanasında nahar vaxtı xüsusi “Çanaqqala menyusu” təqdim olunub. ANS PRESS-in məlumatına görə, xüsusi menyuda sadəcə 100 il əvvəl Çanaqqalada çətin şəraitdə döyüşən əsgərlərin yediyi yemək olub.

Baş nazirlik bu istiqamətdə xüsusi bəyanat yayıb:

“Tabldot (ümumi süfrə) xidmətində verilən günün menyusu, Çanaqqalada döyüşən 43-cü Alay 1-ci Piyada taboru əsgərlərinə verilən yeməklərdən ibarətdir. Əziz şəhidlərimizi rəhmət və minnətlə yad edirik”.

Qeyd edək ki, təqdim olunan “Çanaqqala menyusu” yağlı buğda şorbası, üzüm kompotu və çörəkdən ibarətdir.