Bakıda hava limanından şəhərə tərəf gələn yolda 15 kilometrlik nəhəng tıxac yaranıb

Virtualaz.org-un əməkdaşının verdiyi məlumata görə, bu dəqiqələrdə Bakı hava limanından şəhərin mərkəzinə gələn yolda nəhəng tıxac yaranıb.

Bakı Olimpiya Stadionunun yaxınlığında yola asfalt döşəndiyindən, bu istiqamətdə yolun yarıdan çoxu hərəkətə bağlıdır. Eyni zamanda, stadionun qarşısında tikilən tuneldə aparılan işlər hərəkətə maneə yaradır.

Əməkdaşımız tıxacın Suraxanı dairəsindən BOS-a qədər hissəni əhatə etdiyini bildirir.

Xatırladaq ki, “Formula-1” yarışlarına hazırlıqla əlaqədar bu gündən etibarən Bakının mərkəzi yolları da hərəkətə bağlanıb.