Kemerovodakı yanğında itkin düşən üç nəfər sağ tapıldı

Rusiyanın Kemerovo şəhərində “Qış albalısı” ticarət mərkəzində baş verən yanğından sonra qohumlarının itkin düşdüyünü bildirdiyi üç nəfər sağ tapılıb.

Virtualaz.org yerli KİV-ə istinadən bildirir ki, bu barədə Rusiya Araşdırmalar Komitəsindən məlumat verilib.

Qeyd edək ki, “Qış albalısı” ticarət mərkəzində martın 25-də yanğın baş verib. Nəticədə 64 nəfər həyatını itirib. Ölənlərdən 41-i uşaqdır.

İndiyə qədər 27 cəsədin kimliyi müəyyən edilib.