Şok! Səkkiz nəfər 75 yaşlı rahibəni zorladı

Hindistanda daha bir dəhşətli təcavüz hadisəsi qeydə alınıb.

ANS PRESS-in məlumatına görə, qadına qarşı cinsi istismar və təcavüz faktlarının geniş vüsət aldığı ölkələrdən biri olan Hindistanda daha bir qalmaqallı hadisə yaşanıb. Şok təcavüz faktı barədə "Daily Mail" yazıb.

Hadisə Hindistanın şərqində yerləşən Qərbi Benqal ştatının Nadia bölgəsindəki Hz.İsa və Məryəm məktəbi monastırında baş verib. Təhlükəsizlik işçilərinin əl-qolunu bağlayaraq monastıra daxil olan 12 oğru bir mobil telefon, kompyuter, kamera və pul oğurlayıb. Monastırda olan rahibələrdən üçünə isə fiziki təzyiq göstərilib.

Hücum barəsində yerli mətbuata danışan polis müfəttişi Anuj Şarma oğruların rahibələrdən 75 yaşında olanın qrup seksə məcbur edilərək zorlandığını deyib. Hələlik cinayətkarlardan ikisi yaxalanıb. Digərlərinin saxlanılması üçün əməliyyat işləri davam etdirilir.

Faktla bağlı istintaq işi başladılıb.

Xatırladaq ki, oxşar hadisələrdən ən dəhşətlisi isə ötən ilin may ayında baş vermişdi. Həmin vaxt iki əmiqızı qrup seksə məcbur edilərək zorlandıqdan sonra öldürülərək ağaca asılmışdı.