Çexiyada kimya kombinatında partlayış baş verib

Çexiyanın Kralupi-nad-Vltavou şəhərindəki kimya kombinatında partlayış baş verib.

Virtualaz.org Çexiya radiosuna istinadən xəbər verir ki, hadisə nəticəsində 6 nəfər həlak olub.

Hadisə yerində yanğınsöndürənlər və xilasedicilər işləyir. Təcili yardım maşınlarının ardı-arası kəsilmir. Yaralıların dəqiq sayı barədə məlumat verilmir.

Hadisənin baş vermə səbəbləri aydınlaşdırılır. Bildirildiyinə görə, kombinat Polşanın “Synthos” şirkətinə məxsusdur.