Dünya Səhiyyə Təşkilatı milyonlarla insanın naməlum infeksiyadan öləcəyini açıqladı

Dünya Səhiyyə Təşkilatının mütəxəssisləri xəbərdarlıq edirlər ki, yeni qlobal epidemiya təhlükəsi var. Virtualaz.org xəbər verir ki, təşkilat bu epidemiyanın səbəbinin hələ identifikasiya edilməmiş infeksiya ola biləcəyini açıqlayıb. Bu haqda “Science Alert” yazır.

Mütəxəssislər bütün insanlığı əhatə edə biləcək xəstəliklərin siyahısını tərtib ediblər. Bura 2014-2015-ci illərdə Nigeriyada yayılan“Lassa” homorratik qızdırması, 2014-2015-ci illərdə Afrikada 11 min insanın ölümünə səbəb olan “Ebola” virusu da daxildir. Bundan əlavə alimlər "Marburg” qızdırmasını, “Krım-Konqo” qanaxmalı qızdırmasını, “Zika” virusunu da təhlükəli hesab edirlər.

Həkimlər habelə “X xəstəliyini” də siyahıya daxil ediblər. Hesab edirlər ki, elmə hələ məlum olmayan bu xəstəlik də pandemiyaya səbəb ola bilər. Beləliklə, alimlər istənilən potensial təhlükəyə qarşı əvvəlcədən tədbirlər hazırlamağa çağırır.