ABŞ-da mühərriki alovlanan təyyarə təcili eniş edib – VİDEO
ABŞ-ın “Southwest Airlines” aviaşirkətinə məxsus təyyarə Solt-Leyk-Siti şəhərinə təcili eniş edib.
APA-nın məlumatına görə, bu barədə ABC telekanalı xəbər verib.
Məlumata əsasən, sərnişin təyyarəsi havada olarkən mühərriklərin biri alovlanıb.
Los-Anceles şəhərinə uçan təyyarə hava limanına geri dönməli olub. Təyyarənin göyərtəsində ekipaj üzvləri daxil olmaqla 115 nəfər olub. Hadisə nəticəsində zərərçəkən olmayıb.
Mənbə: APA
