McDonalds-da qızlar rəfiqəsini döydülər – FOTO

ABŞ-da gənc qızların davasını ayırmağa heç kəsin gücü çatmayıb.

ANS PRESS-in məlumatına görə, Nyu-Yorkda McDonaldsın şöbələrindən birində bir qrup gənc qız 15 yaşlı bir yeniyetmə qızı müştərilərin gözü önündə 3 dəqiqə ərzində döyüblər.

Restoran işçiləri polisə zəng ediblər. Maraqlısı isə odur ki, 4-6 nəfər qızın bir yeniyetməni yumruqla, təpiiklə döydüyü vaxt heç kim onları ayırmağa çalışmayıb. Hətta bəziləri hadisəni telefonları ilə videoya çəkmək üçün canfəşanlıq ediblər.

Qızlar sakitləşəndən sonra döyülən qız masanın altında hərəkətsiz qalıb. Müştərilər ancaq bundan sonra qıza kömək ediblər. Davanın səbəbi isə hələ də bilinmir.