Qapaqlı ev – FOTO

İngiltərənin tikdiyi bu ev istənilən vaxt açılıb bağlana bilir.

ANS PRESS-in məlumatına görə, İngiltərənin "dRMM" memarlıq və dizayn şirkəti 2009-cu ildə özünəməxsus dizaynı olan ev hazırlayıblar. Evin özəlliyi isə ondadır ki, onun üstü istənilən vaxt açılıb-bağlana bilir. 200 kvadrat metrlik sahəni əhatə edən ev 3 əsas binadan ibarətdir. Bundan başqa evin qırmızı rəngdə sürüşə bilən xarici örtüyü də var. Həmin örtük kənara çəkilən zaman elə görünür ki, sanki içəridəkilər açıq havadadırlar.

Evin bütün hissələri ilə birlikdə ümumi çəkisi 20 tondur və onun hərəkət edə bilməsi üçün binanın altında çox güclü motordan istifadə edilib. "dRMM"in bu layihəsi İngiltərədə "İlin evi" və "Ən yaxşı yeni bina" mükafatlarını da alıb.