Ticarət mərkəzində baş verən insidentin səbəbi məlum oldu – FOTO

Bakının Nizami rayonunda ticarət mərkəzinin damına çıxaraq intihar etmək istəyən şəxsin problemi məlum olub.

ANS PRESS-in məlumatına görə, bu barədə ANS TV-nin Şəbəkə verilişinə oxucular məlumat veriblər.

Verilən məlumata görə, Ticarət mərkəzinin damına çıxan orta yaşlarında bir kişi əlindəki bıçaqla öncə özünə xəsarət yetirib. Sonra isə o, özünü aşağı atmaq fikrinə düşüb. Əraziyə toplaşmış insanlardan kimisi “özünü at, çıxaq gedək” deyərək, onu intihara səsləyib. Kimisi də yardım etməyə çalışıb.

Bildirilib ki, adam kredit borclarına görə ölmək istəyirmiş. Son anda hadisə yerinə həmin şəxsin bacısını çağırdılar.

Fövqəladə Hallar Nazirliyinin mətbuat xidmətindən verilən məlumata görə, aparılmış psixoloji söhbət nəticəsində vətəndaş fikrindən daşındırılaraq intihara cəhdin qarşısı alınıb. Özünün hündürlükdən yerə atmaq istəyən 1981-ci il təvəllüdlü Kənan Fazil oğlu Abbasov xilas olunub.
Hadisənin hansı səbəbdən baş verdiyi məlum deyil.

Faktla bağlı araşdırma aparılır.