İngilislər səs sürətini aşan maşın ixtira etdilər – FOTO

İngilislər yeni "Bloodhound Supersonic Car" avtomobilini sınaqdan keçiriblər.

AzNews.info Ölkə.Az-a istinadən xəbər verir ki, səs sürətini aşan avtomobilin sınağı Kornuoll yarımadasındakı Nyukvey şəhərinin aerodromunda keçirilib.

Tədbirdə 3 mindən çox tamaşaçı iştirak edib. 13 metr uzunluğu olan bolid sınaq yürüşlərində 322 km/saat sürəti yığa bilib. Bolid sürəti 3 kilometrlik uçuş zolağında cəmi 9 saniyəyə əldə edib.

Uçuş zolağının uzunluğu bolidə daha yüksək sürət yığmağa imkan vermir.

Avtomobilin sükanı arxasında Kral Hərbi Hava Qüvvələri eskadrilyasının komandiri Endri Qrin olub. 1228 km/saat sürət rekordu ona məxsusdur.

"Bloodhound Supersonic Car" avtomobili isə 1609 km/saat sürət rekordu üçün nəzərdə tutulub. Amma bu hədəf üçün hələ bir neçə il var.