Bakı-2017: Azərbaycan aktivinə daha iki qızıl medal yazdırdı

Azərbaycan Bakı-2017 IV İslam Həmrəyliyi Oyunlarının atletika yarışlarında ikinci qızıl medalını qazanıb.

AzNews.info-nun Trend-ə istinadən məlumatına görə, təmsilçimiz Hanna Skidan qadınlar arasında çəkic atma yarışında bütün rəqiblərindən üstün olub.

Türkiyə atleti Kaya Kıvılcım Salman gümüş, mərakeşli Souakina Zakkour isə bürünc medala sahib olub.

Bundan əlavə, 800 m məsafəyə sərbəst üsulla üzmə yarışında təmsilçimiz Maksim Şemberyov bütün rəqiblərini geridə qoyaraq qızıl medal qazanıb. Onun finaldakı nəticəsi 7:54.34 olub.

İkinci yeri İndoneziya üzgüçüsü Aflah Pravira, üçüncü yeri isə türkiyəli Ediz Yıldırımer tutub.