Azərbaycanlı Avropa çempionunu Türkiyədə güllələdilər

Türkiyənin Kastamonu şəhərində silahlı insident olub.

AzNews.info xəbər verir ki, BakiPost.az-a daxil olan məlumata görə, şəhərin bələdiyyə sədri Tahsin Babaş silahlı hücuma məruz qalıb. Hücum nəticəsində 6 nəfərin yaralandığı bildirilir.

Onların arasında Azərbaycanın kikboksinq üzrə Avropa çempionu Eldar Əlizadə də var. Yaralılar yaxınlıqdakı xəstəxanaya çatdırılıblar.

Qeyd edək ki, Eldar Əlizadə hazırda Türkiyədə ali təhsil alır.