Türkiyədə çayxanaya silahlı hücum: 2 nəfər öldü, 4 nəfər yaralandı

Türkiyədə çayxanaya silahlı hücum olub.

ATV.az-ın Türkiyə mətbuatına istinadən xəbərinə görə, gecə saatlarında iki maskalı şəxs İstanbulun Küçükçəkməcə rayonunda çayxanaya gələrək odlu silahdan atəş açıb.

Hadisə nəticəsində çayxanada olan Rəcəb Turqut və Sərdar Cebeci adlı iki şəxs həyatını itirib, 4 nəfər isə yaralanıb. Yaralılar yaxınlıqdakı vətəndaşlar tərəfindən xəstəxanaya çatdırılıb.

Hücumun ardından dərhal çoxlu sayda polis hadisə yerinə gələrək biri ağ, digəri isə qara maskalı olan şəxslərin tapılması üçün genişmiqyaslı əməliyyata başlayıb. Hadisənin terrorçular tərəfindən törədildiyi güman edilir.

Xatırladaq ki, ötən gün Diyarbakırın Sur rayonunda PKK-ya qarşı əməliyyatlarda Türkiyə ordusunun 5 əsgəri şəhid olub, 8 nəfər isə yaralanıb.

Qeyd edək ki, Türkiyə Silahlı Qüvvələrinin PKK-ya qarşı əməliyyatları davam edir. Bir neçə həftədir Şırnak vilayətinin Cizrə şəhəri və Diyarbəkirin Sur şəhərində keçirilən əməliyyatlar zamanı PKK-ya ağır zərbə vurulub, çoxlu sayda terrorçu tutulub, külli miqdarda silah-sursat ələ keçirilib.