Sürücülər torpaq ərazidə quraşdırılmış qanunsuz parkomatdan narazıdırlar – VİDEO

Ərazi nə asfaltlanıb, nə də ki nişanlanma xətti çəkilib. Buna baxmayaraq, burada parkomat quraşdırılıb.

Oxu.Az Xəzər TV-yə istinadən xəbər verir ki, Nobel prospekti Ağ şəhər bulvarına bitişik ərazidə qanunsuz parkomat fəaliyyət göstərir. Bu isə sürücülərin narazılığına səbəb olur.

Söhbət Xətai rayonu Nobel prospekti Ağ şəhər bulvarına bitişik ərazidən gedir. Yaxınlıqda olan ofislərdə çalışan işçilər avtomobillərini burada saxlayırlar. Bunu görən Bakı Şəhər İcra Hakimiyyətinin Xüsusi Təyinatlı Avtonəqliyyat İdarəsinin əməkdaşları torpaq ərazidə parkomat quraşdırıblar.

Yol hərəkəti üzrə ekspert Ərşad Hüseynov deyir ki, “yol hərəkəti” haqqında qanuna görə bu cür ərazidə parkomat qoyula bilməz.