Gənc oğlan zorla başqasına ərə verilən sevgilisini götürüb qaçdı – VİDEO

Göyçayın Veysəlli kənd sakini, 21 yaşlı Sevinc Nəzərova dörd gün əvvəl yaşadığı evdən çıxaraq geri qayıtmayıb. Gənc qız anasına zəng edərək ailə qurmaq məqsədilə sevdiyi oğlana, Ağdaşın Xosrov kənd sakini, 22 yaşlı Hüseyn Əlizadəyə qoşularaq evdən getdiyini bildirib. Sevinc Nəzərova valideynlərinin onu zorla başqa oğlana ərə vermək istədiyi üçün belə etdiyini deyib.

Bir ildir bir-birlərini sevdiklərini deyən Hüseyn və Sevinc gizlənmək məcburiyyətində qalıblar. Oğlanın valideynləri qız evinin təzyiqi ilə üzləşdiklərini bildiriblər. Sevinc Nəzərovanın yaxınları iki dəfə Xosrov kəndinə, Hüseyn Əlizadənin evinə gedərək gənclərin yerini öyrənmək istəyiblər.

Qızın valideynləri onun zorla qaçırıldığını iddia edərək ilə polisə müraciət ediblər. Sevinc valideyinlərinə həqiqətən öz razılığı ilə qaçdığını bildirib.

Xezerxeber.az mövzu ilə bağlı daha ətraflı videomaterialı təqdim edir: