Yola səpilən duz avtomobillərə ziyan vurur – VİDEO

Yolların buzdan təmizlənməsi üçün istifadə edilən duz avtomobillərə ziyan vurur.

AzNews.info Xəzərxəbər-ə istinadən xəbər verir ki, artıq bir neçə gündür buzlaşmanın qarşısını almaq üçün yollara duz və yaxud qumla duzun qarşığı səpilir.

Bu üsulla yollarda sürüşmənin qarşısı alınsa da, mütəxəssislər sürücülərə xəbərdarlıq edir. Yollara səpilən duz avtomobilinizə ziyan verə, hətta qəzalara səbəb ola bilər. Bunun qarşısını almağın isə üsulları var.

Yolların buzdan təmizlənməsi üçün istifadə edilən duz avtomobillərə ziyan vurur. Artıq bir neçə gündür ölkə yollarına səpilən bu duzlar suya qarışıb avtomobilin alt hissəsinə hopur ki, bu da həmin detalların sıradan çıxmasına səbəb olur.

Belə şəkildə avtomobilin uzun müddət idarə edilməsi onun dəmirinin korroziyaya uğraması ilə yanaşı, işlək hissələrinə də ziyan vurur. Bu hal hətta qəza şəraiti də yarada bilər.

Bunun qarşısını almaq üçün isə yollar quruyan kimi avtomobilin altını təzyiqli su ilə yuduzdurmaq lazımdır. “Moyka”lardan bildirilir ki, əksər sürücü avtomobilin təkcə üzərini yuduzdurmaqla kifayətlənir. Halbuki avtomobilin alt hissəsini də yuyulması üçün sürücülərdən cəmi 1 və ya 2 manat əlavə pul tələb olunur.

Son günlər avtomobildən gələn səslərin çoxalması əksər sürücünü narahat etsə də, mütəxəssislər bunun keçici problem olduğunu bildirirlər.

Xüsusilə ili köhnə olan avtomobillərdən belə səslərin daha çox gəlməsi normal hesab edilir. Hər bir halda sürücülər qarlı günlərdən sonra avtomobillərini ümumi texniki baxışdan keçirsələr yaxşıdır.