Kraliça 49 min homoseksualı ölümündən sonra əfv etdi

Böyük Britaniya kraliçası II Yelizaveta 49 min homoseksualı ölümündən sonra əfv edib.

Oxu.Az-ın məlumatına görə, bu barədə The Guardian nəşri yazır.

Müvafiq qanun çərşənbə axşamı, yanvarın 31-də imzalanıb.

Sənəd 1954-cü ildə intihar edən və ölümündən sonra əfv olunan məşhur homoseksual alim Alan Türinqin şərəfinə “Alan Türinqin qanunu” adlandırılıb.

“Bu unudulmaz gündür. Mən fəxr edirəm ki, “Alan Türinqin qanunu” bizim kabinet tərəfindən qəbul olunub”, - ədliyyə nazirinin müavini Sem Qiym deyib.

Qeyd edək ki, əfv siyahısına ümumilikdə 49 min nəfərin adı daxil edilib. Onlar hazırda qanunvericilikdə olmayan maddələr üzrə ittiham olunublar.

Birləşmiş Krallıqda homoseksuallıq 1967-ci ilə qədər cinayət hesab edilirdi. XIX əsrə qədər isə buna görə hətta ölüm cəzası verilirdi.