“Rolls Roys” Azərbaycanda kimə rüşvət verib? – QALMAQAL

Avtomobil istehsalında dünya brendi olan “Rolls Roys” şirkətinin Azərbaycanda hökumət rəsmilərinə rüşvət verdiyi üzə çıxıb.

Aznews.info Qafqazinfo-ya istinadən xəbər verir ki, ABŞ-ın Ədliyyə Nazirliyinin verdiyi açıqlamada qeyd edilir ki, şirkət Çin, Tailand, Braziliya, Hindistan, Rusiya, Qazaxıstan, Azərbaycan, Anqola, Malaziya, Nigeriya və İraqın hökumət rəsmilərinə rüşvət verib.

Məlumata görə, bu, ABŞ, İngiltərə və Braziliyanın korrupsiyaya qarşı mübarizə qüvvələrinin birgə əməkdaşlığı ilə aparılan istintaqlar zamanı aydın olub. Məlum olub ki, şirkət 2000-2013-cü illər ərzində xarici hökumət rəsmilərinə dövlət tenderlərini udmaq qarşılığında 35 milyon dollar rüşvət verib.

Bildirilir ki, ittihamları qəbul edən “Rolls Roys” ABŞ, İngiltərə və Braziliya hökumətlərinə bütövlükdə 800 milyon dollar pul cəzası ödəməlidir.