Azərbaycanlılar “O səs Türkiyə”dən belə ayrıldı – VİDEO
TV8-də yayımlanan “O səs Türkiyə” müsabiqəsinin ikinci tur mərhələsi davam edir.
Oxu.Az Musavat.com-a istinadən xəbər verir ki, iştirakçıları qruplaşdıraraq öncə onlar arasından ikisini seçərək duelə çıxaran münsiflərdən Gökhan-Hakan qardaşları növbəti dəfə seçim edib.
Onların 6 nəfərlik qrupunda Gülpəri Evliyaoğlu, Erdal Bayraqoğlu ilə yanaşı azərbaycanlı iştirakçılar Zerrin Mahmudoğlu, İlham Nəzərov, Gülşən İbadova və Zülfü Əsədzadə yer alıb.
Qardaşlar duelə çıxmaq üçün Erdal Bayraqoğlu ilə Gülpəri Evliyaoğlu seçib. Dörd azərbaycanlı iştirakçı ikinci tura keçməyib.
Qeyd edək ki, müsabiqədən uzaqlaşdırılan azərbaycanlı iştirakçılar bir müddət öncə mətbuata açıqlama verərək onlara qarşı haqsızlıq və qərəz olduğunu bildirmişdi.
Mənbə: Oxu.az
