Diqqət: Bu üsulla evinizin istiliyini artıra bilərsiniz – VİDEO

Ustaların sözlərinə görə, qış rejiminə keçilməsi evinizin istiliyini daha da artıra bilər. Bəs qış rejiminə necə keçilməlidir?

Oxu.Az xəzərxəbər-ə istinadən xəbər verir ki, havaların soyuduğu bu günlərdə siz bu üsulla evinizi daha da isidə bilərsiniz. Əksər insanlar xəbərsiz olsa da, plastik pəncərələrin yay və qış rejimi funksiyası var.

Ustalar deyirlər ki, plastik pəncərələrin qış rejiminə keçirilməsi soyuq havalarda evin istiliyini 50% artıra bilər. Bunun üçün bu pəncərələrin daxilində olan bu boltları 90 dərəcə fırlatmaq kifayətdir.

Usta Hüseyn Tağızadə deyir ki, plastik pəncərə alarkən diqqətli olmaq lazımdır. Çünkü əksər belə pəncərələrin rezinləri əllə taxılma olur. Bu isə öz növbəsində pəncərələrin daha tez sıradan çıxmasına və evin soyuq olmasına gətirib çıxarır.

Odur ki, siz də bu nüanslara diqqət etməklə evinizin istiliyini artıra bilərsiniz.