Moskva aeroportlarında 70-dən çox reys ləğv edilib

Rusiyanın paytaxt aeroportlarında 70-dən çox reys ləğv edilib, 17 reys təxirə salınıb.

Oxu.Az RİA Novosti-yə istinadən xəbər verir ki, saat 7:30 radələrinə olan məlumata görə, “Domodedovo” aeroportunda altı reys ləğv edilib, 12 reys təxirə salınıb, “Şeremetyevo”da 68 reys ləğv edilib və 5 reys təxirə salınıb. “Vnukovo”da bir reys təxirə salınıb.

Reyslərin ləğv edilməsi və təxirə salınması səbəbləri açıqlanmır.

Daha öncə “Aeroflot” əlverişli olmayan hava şəraitinə dair proqnoz ilə əlaqədar “Şeremetyevo”da dekabrın 7-nə olan 45 reys, dekabrın 8-ə olan 57 reys, dekabrın 9-a olan 26 reys ləğv edilib.