Bakı 2017-ci ildə turistlər üçün ən yaxşı istiqamətlərin onluğundadır

Azərbaycanın paytaxtı Bakı turistlər üçün 2017-ci ildə səfər üçün ən yaxşı istiqamətlərin onluğunda yer alıb.

Oxu.Az xarici KİV-ə istinadən xəbər verir ki, “Trip Advisor”un versiyasına görə, Bakı “2017-ci ildə səyahətçilər üçün on ən yaxşı istiqamət” siyahısında 5-ci yeri tutub.

Bu siyahıda Bakı San Xose del Kabo (Meksika), Uistler (Kanada), Jerikoakoara (Braziliya), Kixei (Havay) şəhərlərindən geri qalır.

Onluğa həmçinin Gürcüstanın paytaxtı Tbilisi də daxil olub.

Qeyd edək ki, turistlər üçün ən yaxşı istiqamətlərin təyin edilməsində əsas meyarlar səyahətçilərin şərhləri, tarixi yerlərin və əyləncə yerlərinin sayı, xidmət səviyyəsidir.