Çin məktəbi şagirdlərə beşlərə görə milyonlarla yuan paylayıb

Çində Vençjou şəhərinin orta məktəbində tədris müəssisəsinə yeni gələn məktəblilərin təntənəli mükafatlandırılma mərasimi keçib.

Oxu.Az xəbər verir ki, pul vəsaitini qəbul imtahanlarını müvəffəqiyyətlə verib ibtidai sinifdən orta məktəbə keçən yaşı 15-ə qədər olan şagirdlər alıb.

Ümumilikdə əlaçılara 8 milyon yuan verilib.

Pul mükafatının həcmi imtahan zamanı alınmış qiymətlərdən asılı olub. Beləliklə, məktəblilər 100 min, 50 min və 40 min həcmində mükafatlar alıb, pulun bir qismi nağd şəkildə verilib, bir qismi isə uşaqların hesabına köçürülüb. Bütövlükdə 239 adam mükafatlandırılıb.